بيگم عبدالله چنا
بيگم عبدالله چنا
بيگم عبدالله چنا: سنڌي ٻوليءَ جي هن مشھور ڪھاڻيڪار ۽ ليکڪا جو اصل نالو زينت چنا هو. ھن جو جنم ضلعي ڄام شوري جي سيوهڻ شھر ۾، 4 جنوري 1919ع تي، محمد صالح چنا جي گهر ۾ ٿيو. مئٽرڪ تائين مقامي سطح تي تعليم حاصل ڪرڻ کانپوءِ ٽريننگ ڪاليج حيدرآباد ۾ پڙهي جتان سٺن نمبرن ۾ امتحان پاس ڪرڻ تي، کيس ٽلٽيءَ جي گرلز اسڪول ۾ استاد مقرر ڪيو ويو. ان بعد ترقي ڪندي هوءَ سيوهڻ جي گرلس اسڪول جي هيڊ مسٽريس مقرر ٿي. هن لکڻ جي شروعات نوجوانيءَ ۾ ’شبنم‘ جي نالي سان، اخبارن ۽ رسالن ۾ مضمون لکڻ سان ڪئي. اڳتي هلي سٺي ڪھاڻيڪاره ۽ مضمون نويس طور مشھور ٿي. صحافت سان به سندس تعلق رهيو. عبدالله خان چنا سان شادي ٿيڻ کانپوءِ کيس احترام مان ”جيجي زينت چنا“ ۽ ”بيگم عبدالله چنا“ سڏيو ويو. ماهوار سنڌي رسالي ’مارئيءَ‘ جي ايڊيٽر رهي، جيڪو پھرين هفتيوار ۽ پوءِ ماهوار شايع ٿيندو هو. ڀٽ شاهه ثقافتي ڪاميٽيءَ جو ساليانو پرچو ”يادگار لطيف“ (ترتيب: 1958ع) ڇپيل اٿس. عورتن جي سماجي سرگرمين ۾ ڀرپور حصو وٺندي رهي. 12 جولاءِ 1974ع تي وفات ڪئي.
لفظ بيگم عبدالله چناھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1919.01.04 عيسوي
سنڌي ٻوليءَ جي هن مشھور ڪھاڻيڪار ۽ ليکڪا جو اصل نالو زينت چنا هو. ھن جو جنم ضلعي ڄام شوري جي سيوهڻ شھر ۾، 4 جنوري 1919ع تي، محمد صالح چنا جي گهر ۾ ٿيو.
1974.07.12 عيسوي
بيگم عبدالله چنا 12 جولاءِ 1974ع تي وفات ڪيائين .
شخصيتون - ڀاڱي جون ٻِيون داخلائون
تسليم داراشاهه محمد نابينا
سوامي موتيرام آشرم ۽ پنچائتي ٿلهو
ڄام محمد ايوب عالياڻي
حيدري مرزا قنبر علي بيگ
پرڀداس برهمچاري
قاضي دوست محمد
شاهنواز ٻرڙو ڊاڪٽر
سيد منچر شاهه
حسن وساڻ